園區 | Themed lands

喺遊樂設施向幻想工程師致敬一向都係迪士尼嘅傳統，呢個傳統亦喺「魔雪奇緣世界」入面見到。 「魔雪奇幻之旅」排隊區入面嘅一張運冰匠送貨名單上面就有出現咗一啲既熟悉但又帶有北歐風格嘅名字，包括M. Den Dulken（對應華特迪士尼幻想工程執行創意總監鄧杜文Michel Den Dulk)及C. Amandahl（對應華特迪士尼幻想工程（亞洲）高級監製焦雅欣Amanda Chiu)。 An interesting easter egg can be found at the queue area of “Frozen Ever After”, where the names of the Imagineers (with a Scandinavian twist) can be seen on Kristoff’s Record of Deliveries.

等候「魔雪奇幻之旅」期間大家會經過阿德爾御用運冰匠－基斯托夫嘅工作坊、除咗擺放咗佢嘅雪橇，仲會見到馴鹿斯特儲存乾草嘅地方，同貯存冰塊嘅倉庫。而上船嘅位置就以夜間嘅阿德爾小鎮為主題，喺夏雪節下滿佈阿德爾嘅旗幟及燈飾。 「魔雪奇緣世界」嘅細緻程度除咗遍佈園區各處嘅嘅細節之外，兩大遊樂設施嘅排隊區亦非常用心並充滿細節，可以話係樂園開園以來最細緻嘅排隊區。 完整片段 Queue & Full Ride Video:

「雪嶺滑雪橇」嘅排隊區除咗還原咗奧肯交易站嘅櫃檯同桑拿等場景外，中途亦有一段位置可以以另一角度欣賞阿德爾嘅景色同見到雪橇近距離經過。進入室內木屋部分，可以見到奧肯設計呢座雪橇嘅工作台，擺放咗佢嘅雪橇設計圖，排隊區中心仲有佢雕刻嘅巨大石精靈木柱。